Հունական Սիրոս կղզում առաջարկում են անվճար տուն՝ կատուների խնամքի դիմաց։ Համաձայն հրապարակման, Syroscats կենդանապաշտպանների կազմակերպությունը փնտրում է կամավորների 2027 թվականի համար։ Նրանց առաջարկվում է անվճար կեցություն, անվճար նախաճաշ եւ կոմունալ ծառայությունների վճարում՝ կղզու տարածքում։ Սիրոսը, հիշեցնենք, որ գտնվում է Էգեյան ծովում։ Դրա դիմաց պետք է շաբաթական հինգ օր, հինգ ժամ շարունակ խնամել տեղի կատուներին։
Հայտերը սկսելու են ընդունել աշնանը։ Կազմակերպությունը որոնում է միայնակ մարդկանց, կամ 25 տարեկանից բարձր զույգերի, ովքեր պատրաստ են կղզում անցկացնել ոչ պակաս, քան մեկ ամիս եւ աշխատել ինքնուրույն։ Հատկապես ցանկալի են անձինք, ովքեր ունեն անասնաբուժական հմտություններ եւ գիտելիքներ։ Դրամական տեսքով աշխատավարձ չեն վճարում, սակայն իրենց հերթափոխի ավարտից հետո կամավորները որոշ ժամանակ կարող են որպես տուրիստ ապրել Սիրոսում։