ԱՄՆ-ը կասեցրել է Իրան ուղևորվող նավթատանկերի շարժը

ԱՄՆ-ի կենտրոնական հրամանատարությունը (CENTCOM) է, որ ամերիկյան կործանիչը հրթիռ է արձակել M/T Marivex նավթատանկերի ուղղությամբ՝ այն բանից հետո, երբ այն փորձել է շարժվել դեպի Իրան։

«CENTCOM-ը շարքից հանել է Պալաուի դրոշի ներքո գործող M/T Marivex նավթատանկերը, երբ այն Օմանի ծոցի միջազգային ջրերում շարժվել է դեպի Իրան։ F/A-18 Super Hornet կործանիչը, որը տեղակայված է եղել USS Abraham Lincoln ավիակրի վրա, ճշգրիտ զինամթերքով հարվածել է նավի շարժիչային և ղեկային բաժանմունքներին այն բանից հետո, երբ անձնակազմը չի կատարել զինված ուժերի հրահանգները»,- ասվում է X սոցիալական ցանցում հրապարակված հաղորդագրության մեջ։

Օմանում Հնդկաստանի դեսպանություն շնորհակալություն է հայտնել Օմանի իշխանություններին՝ նավի բոլոր 24 անձնակազմի անդամների փրկությանն աջակցելու համար։

ԱՄՆ-ի կենտրոնական հրամանատարության տվյալներով՝ Իրանի նկատմամբ ծովային շրջափակման մեկնարկից՝ ապրիլի 13-ից ի վեր, ընդհանուր առմամբ շարքից հանվել է յոթ նավ, իսկ ևս 134-ը ստիպված են եղել փոխել իրենց երթուղին։

ԱՄՆ նախագահ Դոնալդ Թրամփը այսօր հայտարարել է, որ Վաշինգտոնը կպահպանի շրջափակումը մինչև խաղաղության վերաբերյալ վերջնական համաձայնության ձեռքբերումը։