Զարգացման անվան տակ Ադրբեջանը մշակութային ժառանգություն է ոչնչացնում Արցախում։

Այսօր հայ գիտնականներն Արցախի ներկա վիճակի մասին տեղեկություններ վերցնում են միայն արբանյակային լուսանկարներից ու ադրբեջանական մեդիադաշտից. այլ հնարավորություն չկա: Նրանք հետեւում են Արցախի մշակութային ժառանգության ոչնչացման, վնասման դեպքերին, դրանք գրանցում ահազանգերի բաժնում, փորձում հասկանալ Ադրբեջանի վարած մշակութային քաղաքականության շերտերը: Գիտնականները սա անում են՝ ցավը սեղմելով, առանց հուզական դրսեւորումների, ակադեմիական անկողմնակալությամբ: Նրանց փաստագրական աշխատանքի արդյունքը հասնում է մինչեւ Հաագայի միջազգային դատարան, Եվրախորհդրարան:

Ի՞նչ է կատարվում Արցախում ներկայում, ի՞նչ մշակութային ժառանգություն է ոչնչացվում, ինչպե՞ս է ջնջվում հայկական հետքը, ի՞նչ մշակութային ժառանգություն ունենք Արցախում, եւ դրա հանդեպ ի՞նչ մշակութային քաղաքականություն է վարում Ադրբեջանը. այս եւ այլ հարցերի պատասխաններ են հետազոտում «Արցախի մշակութային ժառանգության մշտադիտարկում» ծրագրի անդամները:

Նախաձեռնություն, որի «հեղինակը» պատերազմն էր

44-օրյա պատերազմի առաջին օրերն էին: Պատմական գիտությունների դոկտոր, պրոֆեսոր, ԵՊՀ մշակութաբանության ամբիոնի վարիչն իր ուսանողներից մի քանիսի հետ մեկնել էր Արցախ՝ այնտեղ գտնվող թանգարանային, հնագիտական հավաքածուներն անվտանգ վայր տեղափոխելու համար: Պրոֆեսորն ասում է՝ ոչ մեկի մտքով չէր անցնում, որ նման վախճան պետք է լիներ: Պատերազմից հետո, սակայն, պարզ էր, որ անհրաժեշտ է մշտադիտարկել Արցախի մշակութային ժառանգության վիճակը:

«Monument Watch-ի ստեղծման գաղափարի «հեղինակը» դարձավ հենց ինքը՝ 44-օրյա պատերազմը: Այնպես չէ, որ հատուկ միտք ունեինք, ուղղակի իրավիճակն այնպիսին էր, որ շատ հանկարծակի այդ ամենը տեղի ունեցավ»,- նշում է Monument Watch ծրագրի գիտական ղեկավարը:

Նախաձեռնության մասին զրուցել էին նաեւ 44-օրյայի ժամանակ Հայաստանում գտնվող Արեւելյան լեզուների եւ քաղաքակրթությունների ազգային ի